HATAW! D'yaryo ng Bayan hatawtabloid.com
PANG-INTERNATIONAL talaga ang dating ng pinarangalang 2020 Most Outstanding Radio Host -Tokyo ng 19th Annual Gawad Amerika Awards na si Liza Javier. Bukod sa rami ng awards na tinanggap at sikat na musician sa Osaka at Tokyo Japan ay popular rin sa social media si Liza.
Sa katunayan ay napili siyang cover sa isang Glossy Magazine na Regal Beauty Magazine na well circulated hindi lang sa iba’t ibang parte ng US kundi sa London, Paris, Dubai, Singapore, Hong Kong, Japan, at Manila. Ang ganda ng cover ni Liza na may one whole page article pa sa loob ng said magazine.
Kaya siya ang napiling cover ng Regal Mag ay dahil sa taglay niyang ganda at achievements. Malaki ang pasasalamat ni Liza at natagpuan niya ang dalawa sa popular na beauty products sa bansang Japan na anti-aging — ang Ruby-Cell at pampaputi at flawless ng skin na Riway.
“Totoo ‘yan my dear friend Peter (tawag ni Liza sa inyong columnist) at talagang sobrang laki ng nagawa sa akin ng mga produktong ‘yan. Alam mo naman na nasa internet tayo lagi kaya dapat always look pretty and presentable. Saka ginawa ko na ring business online and I’m very thankful na hindi ako nawawalan ng orders daily.
“About my magazine cover, gusto kong pasalamatan ang lahat ng bumubuo ng Regal Magazine specially my good friend graphic designer ng Gawad Amerika na si Sam Azurel. Sobrang blessed ko last year at sana tuloy-tuloy na, para mas marami pa akong matulungan,” say pa ng sweet and kind-hearted na si Liza Javier.
VONGGANG CHIKA!
ni Peter Ledesma
