HATAW! D'yaryo ng Bayan hatawtabloid.com
PATAY ang dalawang pasyenteng may CoVid-19 sa Malabon City sa unang araw ng Disyembre, at dalawa rin ang muling nagpositibo sa nasabing sakit.
Ayon sa City Health Department, tig-isa ang namatay sa Barangay Panghulo at Potrero, at sa nasabi rin dalawang barangay nagkaroon ng pagbabago sa datos ng mga gumaling dahil muling nagpositibo sa CoVid-19 ang mga pasyente.
Mula 220 ay magiging 219 na lamang ang recoveries sa Panghulo habang mula sa 669 ay magiging 668 sa Potrero.
Samantala, 11 ang nadagdag na confirmed cases sa lungsod at 5,838 ang positive cases, 30 rito ang active cases.
Ang mga bagong nasapol ng CoVid-19 ay mula sa Barangay Longos, 9; at Panghulo, 2.
Sa kabilang banda, 12 ang nadagdag sa bilang ng mga gumaling. Sila ay mula sa Barangay Catmon (1), Dampalit (1), Longos, (8), Santulan (1), at Tonsuya (1).
Umabot sa 5,584 ang recovered patients sa siyudad at 224 ang binawian ng buhay dahil sa pandemya. (ROMMEL SALES)
