Sarah, Jake, Angelica, at Pops sangkot sa pregnancy issue na hindi naman mga buntis  

NAKU, my dear managing editor Ma’am Glo mukhang sinasadya na talaga ng ilang kapwa ko vloggers na magbalita nang magbalita ng fake news sa kani-kanilang vlog at marami na silang nabibiktimang artista.

Gaya ni KC Concepcion na nauna na nilang ‘ipinangalandakan’ na buntis raw kay Piolo Pascual samantala ang totoo ay wala namang balikan na nangyari sa dalawa.

Ngayon ay apat na celebrities ang bagong biktima na sina Sarah Geronimo na buntis raw kay Matteo Guidicelli, Jake Zyrus na aksidente raw na nadisgrasya ng non-showbiz guy, Angelica Panganiban na preggy raw kay Zanjo Marudo, at si Pops Fernandez na buntis rin daw na courtesy naman ni Derek Ramsay.

Saan kaya nanggagaling ang imahinasyon ng fake vloggers na mahilig mameke ng kanilang balita? Mayroon kaya silang mahika? Magsitigil kayo mga fantasyadora.

Ang talagang totoong buntis sa showbiz ay ang millenial Miss Saigon na si Rachel Ann Go sa foreigner hubby na si Martin Spies.

VONGGANG CHIKA!
ni Peter Ledesma