HATAW! D'yaryo ng Bayan hatawtabloid.com
BAGSAK sa kulungan ang isang 51-anyos biyudo matapos makuhaan ng halos P.2 milyon halaga ng shabu sa isinagawang buy bust operation ng pulisya sa Caloocan City, kahapon ng madaling araw.
Kinilala ni Caloocan police chief Col. Samuel Mina, Jr., ang naarestong suspek na si Marcelo Amor, residente sa Abby Road 2, Barangay 73, nahaharap sa kasong paglabag sa Dangerous Drug Act of 2002.
Ayon kay Col. Mina, nakatanggap ng infomation report ang mga operatiba ng Station Drug Enforcement Unit (SDEU) mula sa Intelligence Section ng Caloocan police hinggil sa umano’y ilegal na aktibidad ng suspek kaya’t isinailalim sa surveillance operation.
Dakong 3:50 am nang isagawa ng mga operatiba ng SDEU warrior sa pangunguna ni P/Capt. Deo Cabildo ang buy bust operation laban sa suspek sa Abbey Road 2, Barangay 73 na isang pulis na nagpanggap na buyer ang nagawang makaorder sa suspek ng P10,000 halaga ng shabu.
Nang tanggapin ng suspek ang marked money mula sa buyer kapalit ng isang medium plastic sachet ng shabu ay agad siyang sinunggaban ng mga operatiba.
Nakompiska sa suspek ang aabot sa 25 gramo ng hinihinalang shabu na tinatayang nasa P170,000 ang halaga, cellphone, improvised/homemade handgun, tatlong bala ng hindi pa matukoy na kalibre ng baril at buy bust money na binubuo ng isang P1,000 bill at 9 piraso boodle/money. (ROMMEL SALES)
