HATAW! D'yaryo ng Bayan hatawtabloid.com
EVERY year ay talagang fabulous ang birthday celebration ng well-loved sa showbiz industry na si Ma’am Malou Choa-Fagar at well-attended rin ng kanyang mga kaibigang celebrities, talent managers, at mga alaga.
Pero this year dahil nariyan pa rin ang pandemyang CoVid-19 at sumusunod si Ma’am Malou sa health protocol na bawal pa ang mass gatherings (maramihang bisita), hindi siya nagdaos ng bonggang party pero sinorpresa naman siya ng intimate na tipar ng kaibigang lady producer na si Ms. Roselle Monteverde.
Idinaos ito last November 11 sa 38 Events Place sa Valencia na pag-aari ni Mother Lily Monteverde, kilalang bff rin ng birthday celebrant, na Vice President at COO ng Tape Inc., na produ ng Eat Bulaga.
Sa nasabing celebration ay muling nakasama ni Ma’am Malou ang kanyang mga kagrupo sa kanilang Wednesday Club na noong wala pang pandemic ay weekly silang nagkikita. Bale nagsilbing reunion ito ng grupo. Dumalo rin si Sen Jinggoy Estrada upang batiin nang personal si Ma’am Malou.
Bale 41 years na bilang bise presidente at chief operation officer (COO) si Ma’am Malou na kilala ring sikat na talent manager and wow at her age ay hindi pa rin kumukupas (ageless) ang beauty ng isang bigwig ng Tape Inc.
E kasi naman, mabait, maganda ang PR at kindhearted. God fearing person rin kaya blessed ng maraming blessings. November 12 ang eksaktong birthday ni Ma’m Malou.
From all of us here at HATAW, happy natal day to you Ma’am Malou Choa-Fagar.
VONGGANG CHIKA!
ni Peter Ledesma
