HATAW! D'yaryo ng Bayan hatawtabloid.com
APAT na pasyente ang namatay sa loob ng isang araw sa Valenzuela City dahil sa CoVid-19.
Nabatid sa City Epidemiology and Surveilance Unit, 231 ang pandemic death toll sa lungsod haggang nitong 20 Oktubre mula sa 227 kaparehong oras noong nakalipas na araw.
Umakyat sa 19 ang active cases mula sa 318 paakyat sa 337.
Umakyat sa 7,575 ang confirmed cases mula sa 7,548 at naging 7,007 ang gumaling mula sa 7,003.
Samantala, 203 ang CoVid-19 death toll sa Malabon City matapos na isang pasyente sa Barangay Longos ang mamatay nitong 20 Oktubre, ayon sa City Health Department.
Nadagdagan ng 25 positibo at sa kabuuan ay 5,329 ang confirmed cases ng CoVid-19 sa lungsod, 141 ang active cases.
Ang mga bagong nagkasakit ay mula sa Barangay Catmon (2), Concepcion (2), Flores (1), Hulong Duhat (2), Ibaba (4), Longos (1), Maysilo (1), Muzon (2), Niugan (1), San Agustin (1), Tinajeros (2), Tonsuya (3), at Tugatog (3).
Sa kabilang dako, 12 ang nadagdag sa bilang ng mga pasyenteng gumaling. Sila ay mula sa Barangays Catmon (2), Concepcion (4), Longos (1), Potrero (1), Tinajeros (1), Tonsuya (2), at Tugatog (1).
May kabuuan nang 4,985 ang gumaling sa COVID sa siyudad. (ROMMEL SALES)
