HATAW! D'yaryo ng Bayan hatawtabloid.com
ISINAILALIM sa physical closure ang isang sangay ng korte sa lungsod ng Malolos, sa lalawigan ng Bulacan matapos magpositibo sa coronavirus disease ang isa sa mga kawani.
Sa inilabas na memorandum ni Executive Judge Olivia Escubio-Samar, kinompirma niya na isang staff ng Malolos RTC Branch 103 ang nagpositibo sa CoVid-19.
Dahil dito, pansamantalang isinara sa publiko na humihingi ng legal na aksiyon ang nasabing branch ng korte maging ang opisina ng RTC Branch 83.
Nagsasagawa na ng contact tracing upang matukoy ang mga nakasalamuha ng pasyente na huling pumasok sa trabaho noong Martes, 13 Oktubre.
Nakasaad sa memo na tatagal ang pagsasara sa mga naturang sangay ng korte hanggang sa 27 Oktubre. (MICKA BAUTISTA)
