HATAW! D'yaryo ng Bayan hatawtabloid.com
ARESTADO ang isang anak na lalaki nang gulpihin ang sariling ina sa Malate, Maynila.
Kinilala ang suspek na si Dexter Hayag, 54, may asawa, vendor ng 1166 San Isidro St., Malate; at ang biktima na si Salud Hayag, vendor, ina ng suspek.
Sa ulat, 6:30 pm nang maganap ang insidente sa bahay ng pamilya Hayag.
Ayon sa salaysay ni Aling Salud, naghahanda siya ng pagkain nang pagsusuntukin siya sa ulo at mukha ng anak sa hindi pa malamang kadahilanan.
Natigil ang pananakit sa matanda nang dumating ang kanyang apong babae, na anak ng suspek na si Dexter.
Nagsumbong ang ginang sa barangay at inaresto si Dexter.
Hinala ng pulisya, nawala sa katinuan si Dexter nang gawin ang pananakit sa ina.
Nahaharap sa kasong physical injury si Dexter.
