Ian, magpapatawa sa TV5 show

IPI-FLEX naman ni Ian Veneracion ang talent niya sa pagpapatawa sa TV sa family sitcom niyang Oh My Dad na naka-schedule ang pilot telecast sa October 24, Sabado, 5:00 p.m. sa TV5.

Ang sitcom ang unang sabak sa telebisyon ng Quantum Films ni Atty. Joji Alonso kasama si Patricia Sumagui at mula sa direksiyon ni Jeffrey Jeturian.

Dalawa ang babae ni Ian sa sitcom. Sina Dimples Romana at Sue Ramirez. Kasama rin sa cast sina Gloria  Diaz, Ariel Ureta, Louise Abuel, Adrian Lindayag at iba pa.

Of course, sumunod sa safety protocols ang buong produksiyon. May stand by silang medical at safety control officers para masigurong safe lahat pag-uwi nila sa kanilang pamilya, huh!

I-FLEX
ni Jun Nardo