Teejay at Jerome, nagsabog ng kilig

MARAMI ang kinilig sa patikim na trailer ng BL series na Ben x Jim  ng Regal Entertainment na pinagbibidahan nina Teejay Marquez at Jerome Ponce na isinulat at idinirehe ni Easy Ferrer.

 

Base sa napanood naming trailer, ang kuwento ng Ben x Jin ay tungkol sa sobrang magkalapit na magkaibigan na nagkalayo pansamantala at sa paglipas ng taon ay muling nagkita.

 

At ‘yung eksena ng kanilang pagkikita ay nagdulot ng sobrang kilig sa mga nakapanood dahil ramdam na ramdam mo ‘yung sobrang pagka- miss nila sa isa’t isa at ito ‘yung habang nagwi-wish si Ben (Teejay) na magpakita sa kanya si Jim (Jerome). Laking gulat ni Ben nang tumambad sa kanyang harapan si Jim at nagsabing, “wish granted” habang nakatitig sa kanya na kitang-kita ang labis-labis na kasiyahan sa pagdating ng kanyang bestfriend.

 

Kaya naman kaabang-abang ang mga susunod na mangyayari sa kanilang pagkikita, magiging sila ba? At kung magiging sila, ano ang mangyayari sa kanilang love story?

 

Dagdag pa riyan ang aabangang pagta-topless nina Teejay na nagpa- sample na sa trailer. Abangan din kung may halikan ang dalawa sa kanilang mga eksena.

 

Makakasama nila Teejay at Jeroms sa Ben x Jim sina Kat Galang, Ron Angeles, Johannes Rissler, Sarah Edwarsa, at Cristina Samson. Mapapanood  ngayong Oktubre sa Regal Entertainment Inc. Facebook page at sa YouTube channel ng Regal Entertainment Inc.

MATABIL
ni John Fontanilla