Joshua Garcia mature person mas type ngayon (Ayaw na sa batang gaya ng ex na si Julia)

Sa recent collab vlog nila ni Erich Gonzales na mahigit one million na ang subscribers sa YouTube, sinagot ni Joshua Garcia ang tanong sa kanya ni Erich kung ano ang qualities na hanap ng actor sa isang babae.

Deretsahang tugon ni Joshua, type raw niya sa girl ay ‘yung maalaga at marunong sa lahat ng gawaing bahay at dapat family oriented na tulad niya. Ayaw na rin daw ng Kapamilya actor sa young girls at ang gusto niya ay mature na babae na puwedeng magturo sa kanya ng tama at mali sa buhay.

So reading between the lines ay hindi na feel ni Joshua ang kaedad niya na tulad ng kanyang ex na si Julia Barretto na very controversial ngayon.

At kung ano ang mga ginawa ng actor during lockdown, sinabi niyang natuto siyang magbasa ng libro at magluto at gumawa ng vlog sa sarili niyang YT channel.

During interview ay ipinagluto ni Joshua si Erich ng specialty niyang adobong manok with a twist. Ibinalita rin ni Joshua na may gagawin siyang movie sa Star Cinema pero hindi pa niya alam kung sino ang magiging co-stars niya sa project niyang ito.

VONGGANG CHIKA!
ni Peter Ledesma