HATAW! D'yaryo ng Bayan hatawtabloid.com
HALOS 7 months ng hindi nakapag-concert ang Pinoy international recording artist na si JC Garcia sa San Franciso, California at iba’t ibang parte nito. E, hindi pa naman sanay si JC na walang show at in demand siya rito. Remember last 2018 and 2019 ay nakagawa nang halos 7 solo concerts ang nasabing singer-dancer.
Pero good news sa lahat ng supporters ni JC dahil magkakaroon siya ng Birthday Concert this 27th September sa Fort McKinley Restaurant, Bar and Banquet sa San Francisco, California.
At dahil may protocol pang ipinatutupad sa nasabing bansa instead na 300 persons ang capacity ng said venue ay 40% lang daw ang allowed na papapasukin. Pero in fairness mayayamang kababayang Pinoy ang magiging crowd ni JC sa kanyang konsiyerto.
Mas pinaaga rin daw ang oras ng kanyang Birthday Show na magsisimula ng 5:00 pm hanggang 8:00 pm. Tuloy na tuloy na raw ito according to JC at close na ang deal nila ng manager ng Fort McKinley na si Jun, na kanyang good friend.
Ang ipinagpapasalamat ng kaibigan naming recording artist, sa lahat ng kilalang concerts artists sa Sanfo ay sa panahon ng CoVid-19 pandemic ay siya ang kauna-unahang singer na maglulunsad ng live show.
Nakagawa na pala ng concert sa nabanggit na venue si JC, nakasama niya si Gabby Concepcion, Lou Bonnieve, at Yolanda sa magkakahiwalay na concert. Sa September 30 ang eksaktong kaarawan ni JC Garcia.
VONGGANG CHIKA!
ni Peter Ledesma
