HATAW! D'yaryo ng Bayan hatawtabloid.com
PANSAMANTALANG isinara ang Municipal Trial Court sa bayan ng Bocaue, sa lalawigan ng Bulacan makaraang magpositibo ang isang empleyado sa CoVid-19.
Ayon sa abiso ng Supreme Court – Public Information Office, batay sa nilagdaang memorandum ni Acting Presiding Judge Myrna Lagrosa, simula kahapon, 14 Setyembre hanggang 25 Setyembre ay sarado muna ang korte.
Lahat ng court personnel ay pinapayohang mag-work from home muna sa mga nasabing petsa.
Matatandaang ipinangalan sa namayapang si Bocaue Ex-Mayor Joni Villanueva-Tugna ang kauna-unahang testing facility ng CoVid-19 sa Bulacan, ang Joni Villanueva Molecular Laboratory.
Sa ngayon, may kabuuang 1,412 ang bilang ng CoVid-19 cases sa Bulacan, 86 dito ang naitalang pumanaw. (MICKA BAUTISTA)
