Tronong iniwan ni Bobby, mamanahin ni Marco

SA wake ng mother ng Escolta Boy na si Jeric Vasquez, si Mrs. Marcelina Embalsado sa St. Peter chapel sa Tandang Sora, muli naming nakita ang dating sikat na sexy actor  na si Bobby Benitez.

Si Bobby ay nakagawa ng maraming pelikulang kumita noong araw. Nalaman naming isa na pala siyang director ngayon at kasama sa movie na Gen. Malvar ni Manny Pacquio.

Pinsan ni Bobby si Marco Gumabao na mukhang papalit sa kanyang trono.

Noon apat ang mga anak ni Bobby, ito’y sina Mico, isang HRM student; Mica, Mickey, at Macky na isang basketbalista.

Happily married si Bobby kay Merly Nepomuceno at balik-showbiz na rin siya.

Anak ni Amanda, gustong makasama ang mga katutubo

SA Nobyembre 12 ang kaarawan ni Kapitana Michel China Yu at gustong makasalo sa piging ang kanyang mga kabarangay. Noong una balak niyang magbigay ng salo-salo sa mga katutubo kaso napakalayo at hindi makakapiling ang mga kabarangay.

Presidente si Michel ng Quezon City Rotary Club at punong abala sa pagtitipon si Amanda Amores, ang original na dancing queen ng showbiz bukod kay Pia Moran at Vilma Santos.

***

BIRTHDAY greetings to November born—Vilma Santos, Coco Martin, Arnold Clavio, Rowena Salvacion, Andy Verde, Baby Ramirez ng Wonder Films, Amanda Amores, at Andy Odulio.

SHOWBIG
ni Vir Gonzales