Sekyu timbog sa baril at shabu, 5 tulak tiklo sa buy bust

ARESTADO sa mga ope­ratiba ng San Simon Police Anti-Drugs Special Operation Unit ang isang guwardiya at limang lalaking hinihinalang kilabot na tulak ng ipinag­baba­wal na gamot na pa­wang nasa listahan ng most wanted drug personalities sa bayan ng San Simon, lalawigan ng Pampanga, makaraang isagawa ang anti-drug buy bust ope­rations sa magkaka­hiwalay ng lugar sa natu­rang bayan.

Base sa ulat ni P/Maj. Freddie Herry, hepe ng San Simon Police, sa tangapan ni P/Col. Jean Fajardo, Pampa­nga Police Provincial Direc­tor, matagal nang mina­man­manan nina P/Cpl. Jan Aaron Abrenica at P/SSgt. JayR Dela Cruz ang mga suspek na kinilalang sina Rusty Sison Tayag, 39 anyos, security guard, ng Bgy. San Pedro Cutud, lungsod ng San Fernando, Pampanga, na nahulihan ng isang kalibre .22 baril, walong bala, at apat na pirasong plastic sachet na naglalaman ng hinihina­lang shabu.

Samantala, nasakote din nina P/Cpl. Darwin Parayno, P/Cpl. Albert Angeles, P/SSgt. Edilberto Aquino, at Pat. Jessa Cabalic ang limang hinihinalang mga tulak na pawang nasa listahan ng drug personalities ng pulisya na sina Ruel Minor Amiano ng Bgy. San Simon; Benzon Jake Dumanos ng San Fernando; Ian Serrano Bie ng San Agustin; Ferrylyn Serrano ng San Pedro Cutud; at Rogelio Falautila ng Pasay City, matapos ang ikinasang anti-illegal drugs operation.

Ayon kay Herry, naka­takdang sampahan ng ka­song  paglabag sa RA 9165 o The Comprehensive Dangerous Drugs Act, at kasong RA 1059 o Illegal Possession of Firearm and Ammunition ang mga suspek.

(LEONY AREVALO)