Akihiro, mas gustong maging freelance

MAS gustong maging freelance at hindi nakatali sa iisang TV network ang chinito actor na si Akihiro Blanco para makagawa ng proyekto sa iba’t ibang TV networks.

Ayon nga sa aktor nang makausap namin sa presscon ng The Fate ng Star Film Entertainment Production na idinirehe ni Rey Coloma at mapapanood na sa Aug. 25, “Mas gusto ko pong maging freelance, ‘yung hindi nakatali sa isang TV networks para makagawa ako ng proyekto kahit saang TV networks.

“‘Magagawa ko ring makatrabaho  ang mga  artist ng parehong network. Like ngayon may teleserye ako ABS-CBN, ang Killer Bride na pinagbibidahan ni Maja Salvador,” pagtatapos ni Akihiro.

MATABIL
ni John Fontanilla