Wednesday , May 14 2025

Para sa 2019 Dubai Int’l Basketball Championship

HINDI pa nasusulit ang kan­yang retirement, balik basketball na agad si Jett Manuel matapos kunin ng Mighty Sports bilang miyembro ng ipapadala nitong koponan sa Dubai International Basketball Championship sa susunod na buwan.

Kinuha si Manuel ng pam­bato ng bansa bilang dagdag na puwersa sa koponang gaga­bayan ni head coach Charles Tiu at babanderahan ng tatlong imports na sina Randolph Mor­ris, Justin Brownlee at Lamar Odom.

Makakasama rin nila sina Joseph Yeo at Gab Banal gayundin ang UAAP stars na sina Juan Gomez de Liano mula sa UP at Santi Santillan mula sa La Salle.

Matatandaang nitong Biyernes, sorpresang inia­nunsiyo ni Manuel ang kanyang pagreretiro mula sa Barangay Ginebra isang taon matapos ma-draft bilang 12th overall pick noong 2017 PBA Annual Rookie Draft.

“It was definitely short, but definitely sweet. Choosing to retire was not easy but I’m excited for everything that lies ahead,” aniya.

“I’ll always be connected to the game of basketball, but in different form this time.”

Pansamantala lamang ang kanyang paglalaro para sa Mighty Sports dahil ilalaan niya ang kanyang oras sa pamilya at sa kanyang propesyon bilang licensed Civil Engineer na dahilan ng kanyang maagang pagreretiro.

Naglaro dati para sa Mighty Sports ang dating UP standout na si Manuel bago pumasok sa PBA kasama sina Jeron Teng, Kiefer Ravena at Brownlee sa parehong torneo sa Dubai, United Arab Emirates.

Nakatakda ang invitational tournament mula 7-16 Pebrero at makasasagupa nila ang siyam pang ibang koponan sa pangunguna ng host team na United Arab Emirates na ipaparada ang kanilang natio­nal basketball team gayundin ang Al-Nasr mula Libya, As Sale ng Morocco, Es Rades ng Tunisia, Al Ahly at Al Zamalek ng Egypt at ang Al Riyadi, Homentmen at  Al-Hikma ng Lebanon.

ni John Bryan Ulanday

About John Bryan Ulanday

Check Also

Shaunna Polley Olivia Macdonald Volleyball World Beach Pro Tour Futures Nuvali

Kiwis, kampeon muli sa BPT Futures Nuvali para sa ikalawang sunod na gintong medalya

NAKAMIT nina Shaunna Polley at Olivia Macdonald ng New Zealand ang kanilang ikalawang titulo sa …

Alyana Nicolas pole vault ICTSI Philippine Athletics Championships

Nicolas, matagumpay na naipanalo muli ang women’s pole vault title sa ICTSI PH meet

CAPAS, Tarlac – Muling pinatunayan ng Fil-Am na si Alyana Nicolas ang kanyang pagiging nangungunang …

Pia Cayetano Padel Pilipinas

Pia Cayetano nais palaguin ang Padel sa buong bansa

TULOY-TULOY ang suporta ni Senador Pia Cayetano para sa mga national coach at atleta ng …

Florentino Inumerable

Florentino Inumerable, kampeon sa 2025 Illinois Senior State Chess Championships

HINDI lang nagwagi kundi kampeon ang beterano at United States chess master na si Florentino …

Darell Johnson Bada Yukiho Okuma NTT Asia Triathlon Cup sa Subic

Nangibabaw sina Bada ng PH at Okuma ng Japan sa elite junior sa Subic International Triathlon

OLONGAPO City, Zambales – Nakopo ng Pinoy na si Darell Johnson Bada ang kampeonato sa …

Leave a Reply

Your email address will not be published. Required fields are marked *