Mga beauty queen, nagsama-sama

NAGSAMA-SAMA sa isang litrato ang mga beauty queen at ang itinanghal na 2018 Miss Universe Catriona Gray pagkatapos ng timpalak pagandahan naginanap sa Thailand na ipinost ng 2005 Miss Universe ng Canada, si Natalie Glebova sa kanyang personal IG account.

Kasama ni Glebova (Canada) sina Miss Universe 1991 Lupita Jones (Mexico), Miss Universe 2001 Denise Quiñones (Puerto Rico), Miss Universe 2014 Gabriela Isler (Venezuela), Miss Universe 2015 Pia Wurtzbach (Philippines), Miss Universe 2016 Iris Mittenaere (France), at Catriona.

May caption iyong, “The Miss Universe reunion to celebrate the crowning of our new sister @catriona_gray Congratulations Philippines on another victory!!!”

Pero ipinost din ni Natalie na siyam ang former Miss Universe na nanood ng 2018 Miss Universe at hindi lang nakasama sina Miss Universe 2017 Demi Leigh Nel-Peters (South Africa) at Miss Universe 1998 Porntip Simon (Thailand).

Ka­sama naman sa panel ng hurado ng gabing iyon sina Michelle McLean (Miss Universe 1992, South Africa) at Bui Simon o Porntip Nakhirunkanok (Miss Universe 1988, Thailand). Kaya naman 11 ang kabuuan ng Miss Universe winners na nasa loob ng IMPACT Arena, Bangkok, Thailand.

ni John Fontanilla