HATAW! D'yaryo ng Bayan hatawtabloid.com
SAMPUNG taon na si Paolo Contis sa GMA kaya tinanong namin siya kung bakit siya loyal na Kapuso lalo ngayon sa panahon na uso ang lipatan?
“Because they’re loyal to me!
“Hindi naman lingid sa kaalaman ng mga tao na may mga pinagdaanan ako when I was a Kapuso, during the time na Kapuso ako, Riyan nangyari ‘yung mga malulungkot na parte ng buhay ko, but GMA stayed loyal to me and gave me work, and that shows na I should give my loyalty to them as well.”
Ilang taon ang nakararaan ay may mga isyung pinagdaanan noon si Paolo tulad ng isyu umano ng pagsusugal at problemang pinansiyal, pero ngayon ay masayang-masaya ang buhay niya.
“Yes, yes, very!”
Kailan ba ang kasal nila ni LJ Reyes?
“One day, soon, very soon.
“Hopefully by ano…basta ‘pag puwede na, manganganak muna siya sa January, so ‘yun muna pinaghahandaan namin.”
Buntis ngayon si LJ sa una nilang anak ni Paolo.
Parehong magiging tatay sa loob ng ilang buwan ang mag-bestfriend na Paolo at Dingdong Dantes dahil buntis din si Marian Rivera.
“Mauuna ako ng kaunti. Noong isang araw lang napag-usapan namin. Siyempre ninong siya, automatic na ‘yun. Happy lang, kasi ‘yun naman ang gusto namin eh, maging buo ‘yung pamilya namin, iba nga lang ‘yung sitwasyon niyong sa akin, pero in God’s time everything will be better.”
RATED R
ni Rommel Gonzales
