HATAW! D'yaryo ng Bayan hatawtabloid.com
MALAPIT sa puso ni Christian Bables ang comedy dahil natural siyang komedyante.
Ayon kay Christian na pagbibidahan ang isang romantic comedy movie mula Regal Films, ang Recipe For Love na pinamahalaan ni Jose Javier Reyes at pinagbibidahan nila ni Cora Waddel, “hindi malayo sa akin. I must say ‘yung sense of humor ko malakas din naman talaga. Mahilig akong magpatawa sa mga katid ko, sa mga kaibigan.”
Giit pa ni Christian na mapapanood na sa Nobyembre 21 ang Recipe For Love, “Hindi naman ako nangapa sa pagbitaw ng punchlines. It’s something that’s part of me.”
At para nga maging convincing ang kanyang pagganap ni Christian, inihilera niya ang kanyang personalidad sa kanyang karakter. Kaya naman naging natural ang pagganap niya sa kanyang karakter.
“Ang sarili kong process, ipa-parallel ko ang sarili sa karakter ko sa pelikula. Hinanapan ko ng common ground.
“Nilagyan ko rin siya ng puso gaya ng lahat ng character na ginagawa ko, mapa-drama, mapa-comedy.”
Ginagampanan ni Christian si Calix, isang chef sa isang upscale Filipino restaurant na makikilala ang isang food blogger at nagnanaqis maging magazine editor na si Val. Tulad ng kanilang iniluluto at isinusulat, ganoon din ang nangyari sa kanilang relasyon, may pait at sweetness.
SHOWBIZ KONEK
ni Maricris Valdez Nicasio
