HATAW! D'yaryo ng Bayan hatawtabloid.com
FEELING pala ni Bea Alonzo ay hindi na mangyayari ang inaasam na makasama si Aga Muhlach sa isang pelikula. Pero nagkamali ang magandang Kapamilya actress dahil habang nasa kotse siya ay nakatanggap siya ng text message mula kay Aga at shock sa nabasang mensahe ng sikat na actor na gusto siyang tawagan nito para sa ialok ang magandang project.
“Akala ko hindi na ako magkakaroon ng chance kasi nakatrabaho na siya ng ibang mga babae sa generation ko. Sina Angelica (Panganiban), Angel (Locsin), Anne (Curtis). Akala ko hindi na siya mangyayari until siguro ngayon ang perfect time,” sey pa ni Bea sa kanilang grand presscon.
At laking gulat raw talaga niya na si Aga pa mismo ang mag-aalok sa kaniya ng First Love.
“I have a project for us. Can I call you? Sabi ko sa driver ko, ‘Sandali, sandali tumigil ka. Tatawag si Aga Muhlach!’ Oo, talagang sinagot ko tapos sinubukan kong ikalma ang sarili ko,” masayang kuwento ng actress.
Bilang first time na nagkatrabaho ay aminado si Bea na talagang kinabahan siya sa eksena nila ng mahusay na aktor. “Naalala ko ito na ‘yung eksena namin nagko-cross kami sa street, kaeksena ko si Aga Muhlach. ‘Yon ang pumako sa isip ko, hindi ako si Ady. Oh my God! Nagpi-freakout ako, si Aga Muhlach ang kaeksena ko,” masayang pagbabahagi ng dalaga.
Para naman kay Aga ay nakaa-amazed daw katrabaho si Bea, at aware din ang beteranong aktor na mahusay siyang aktres. Maraming eksena sa movie na kinunan sa Vancouver, Canada at parte rin ng cast sina Sandy Andolong, Albie Casino atbp.
Samantala SRO ang buong sinehan sa red carpet premiere ng First Love sa SM Megamall Cinema na dinalohan nang halos buong cast at ni Direk Paul Soriano (director ng movie) and wife Toni Gonzaga.
Showing na ng First Love in cinemas nationwide.
VONGGANG CHIKA!
ni Peter Ledesma
