Sharon, nabiktima rin ng taong pinagkatiwalaan

TOTOO nga ang kasabihang “Misery loves company.” At pinatotohanan ito ni Sharon Cuneta na labis ding nalulungkot para kay Kris Aquino na ninakawan, dahilan para bumagsak ang katawan nito sa pagkakasakit at sobrang stressed.

Ani Sharon sa kanyang social media post, maging siya’y nabiktima rin ng taong pinagkatiwalaan niya noon. Kaya ang panalangin nga niya sa kung sinuman ang nangwalanghiya kay Kris, sana’y parusahan ito ng nasa Itaas.

Tanong lang.

Ang alam namin, base na rin sa social media post ni Sharon (this was in 2017 sa aming pagkakatanda) ay naibahagi niya ang tungkol sa private nurse ng noo’y maysakit niyang ina na si Mommy Elaine.

Pera at alahas umano ang tinangay nito based on Sharon’s version of the story. Unlike ang mga karaniwang nabibiktima ng qualified theft, mukhang hindi na ito nai-report ni Sharon sa mga kinauukulan.

Bagama’t malabo na rin sigurong mabawi ang mga bagay na nakulimbat o ninakaw ng salarin, ang mahalaga roo’y napag-iingat ang mga posibleng makasalamuha nito in the future tulad ng posibleng maging employer nila.

Maging si Jinkee Pacquiao rin ay hindi nakaligtas. Isang trusted na kasamabahay ang nambiktima sa kanya.

Lesson: Don’t be too trusting.

(RONNIE CARRASCO III)