HATAW! D'yaryo ng Bayan hatawtabloid.com
NAGKAKABIRUAN ang mga entertainment press na dumalo sa paglulunsad ng Miguard Security Alarm System, ang bagong gadget mula Green Energy na makatutulong sa pagsugpo sa laganap na krimen sa bansa dahil ito na raw ang sagot at katulong nina Cardo Dalisay at Victor Magtanggol.
Si Cardo Dalisay ang ginagampanang karakter ni Coco Martin sa FPJ’s Ang Probinsyano, ang tagapagligtas ng mga naaapi, na bagamat hinahabol ng kapwa pulis, inuuna pa rin ang mga nangangailangan ng tulong. Si Victor Magtanggol naman si Alden Richards, na tulad ni Coco, hangad ding makatulong at mailagtas ang sinumang nasa panganib.
Ang MiGuard Security Alarm System ay isang aparato na idinisenyo para mapigil ang iba’t ibang krimen na posibleng maganap sa kanino man.
Kasama sa package ng Miguard ang Pan&Tilt HD IP Camera, Motion Detector, Door Sensor, SOS Button, Medical Button, Gas Detector, Water Leak Detector, Smoke Detector, at Remote Controls.
“Misyon ng Miguard na mabigyan ng proteksiyon ang bawat Filipino lalo na sa krimen. Naninindigan kami sa aming tagline na We Want You Safe,” sambit ni MiGuard President Manuel Syquian Jr..
“Hindi lamang ng mahal ninyo sa buhay ang nais naming proteksiyonan, bagkus ang inyong tahanan na inuuwian ay nais naming ingatan. Paras maiiwas ito sa sunog gayundin sa problema sa baha na kinakaharap ng marami nating kababayan sa tuwing panahong ng tag-ulan,”dagdag pa ni Mr. Syquian Jr.
Imagine kung ang bawat tahanan ay may Miguard Security Alarm System, maiiwasan ang napakaraming sunog na nangyayari sa araw-araw o sa oras-oras dahil sa Gas Detector apparatus nila.
Ang galing nga ng alarm system na ito dahil sa anomang emergency may sagot sila. ”Lalo na sa Quezon City mayroon tayong 24/7 command center na tutugon sa kanilang kailangan na tulong dahil mayroon tayong ugnayan sa PNP, Bureau of Fire and Protection, at mga pampublikong ospital.
“An gaming misyon ay makapagbigay ng kahalintulad na serbisyo sa buong bansa sa mga darating na panahon,” giit pa ni Mr. Syquian Jr.
Para sa iba pang mga katanungan, maaaring tumawag sa 7179806 o bumisita sa kanilang website sa www.miguard.net.
SHOWBIZ KONEK
ni Maricris Valdez Nicasio
