HATAW! D'yaryo ng Bayan hatawtabloid.com
TINANONG namin ang komedyanang si Boobsie Wonderland kung bakit Boobsie ang gamit niyang screen name.
“Malaki po kasi ang dibdib ko, kaya Boobsie. Pero hindi nila alam, hindi ito boobs (sabay turo sa kanyang dibdib), mayoma ito. Palaki na nga ito ng palaki, eh. Ewan ko ba,” ang natatawang sabi ni Boobsie.
Patuloy niya na natatawa pa rin, “Pero rati talaga ang ginagamit kong screen name ay Jane B. Kasi akala ko po, bastos pakinggan ‘yung Boobsie, eh. Pero in-alternate ko na lang sa Vitamin C. Boobsie, ang batang may Vitamin C.”
Paano siya nag-start sa showbiz?
“Matagal na po akong entertainer. Nagdya-Japan pa lang po ako, medyo kalog-kalog na ako. Pero kaya po ako naging Boobsie ngayon, dahil kay Sir Allan K. Kasi na-discover niya po ako sa Dubai noon. Tapos pinauwi niya ako rito (‘Pinas). Sabi ko kung bibigyan niya ako ng sets sa Zirkoh at Klownz (comedy bars na pag-aari ni Allan K), hindi na ako babalik doon. Hanggang sa na-refer na ako kay Tito Germs (German Moreno). Napasama ako sa ‘Walang Tulugan’. Tapos na-refer ako sa ‘Bubble Gang,’ sa segment na Tsetse Buretse. Hanggang sa na-refer na rin ako sa ‘Sunday Pinasaya.’
(ROMMEL PLACENTE)
