Alma Concepcion

Bahay, lupa at sasakyan, tinatanggihan ni Alma

Rommel Placente August 31, 2018 Showbiz

SA pakikipag-usap namin sa dating beauty qeen turned actress na si Alma Concepcion, ini-reveal niya na noong dalaga pa siya ay nakatanggap siya ng indescent proposal mula sa mga married men. Ang mga inalok sa kanya ay bahay, lupa, at sasakyan. Pero ilan sa mga ito ay hindi niya tinanggap, tumanggi siya.

Katwiran niya, “Ayaw kong maging number 2.”

Hindi naman harapan ang pagtanggi ni Alma. Sa tuwing aalukin siya ay bungisngis ang isinasagot niya. Na gusto niyang sabihin, ayaw niya.

Sa mga babaeng pumapatol sa indescent proposal, ay hindi niya hinuhusgahan ang mga ito. Choice nila ‘yun, kaya nirerespeto na lang niya.

Samantala,ang nag-iisang anak ni Alma mula sa dating asawang si Cobie Puno ay lumipad papuntang America noong Linggo, para mag-aral ng Business Ad sa Hult University sa San Francisco, USA. Hindi napigilan ng dating beauty queen na umiyak sa pag-alis ni Cobie, dahil nasanay na siyang kasama ito sa loob ng ‘18 years. Katabi pa nga niya ito sa pagtulog.

Siguradong mami-miss niya ang kanyang pinakamamahal na anak. Ang daddy ni Cobie ang sumagot sa pag-aaral nito sa ibang bansa.

MA at PA
ni Rommel Placente