SOBRANG naging successful ang ginanap na opening ng 41st physical store ng Beautefy by Beautederm sa Ali Mall.
Dinumog ng mga tao ang Beautederm endorsers na sina Ms. Sylvia Sanchez, Carlo Aquino, Tonton Gutierrez, Shyr Valdez, Glydel Mercado, Alma Concepcion, Matt Evans, at ang social media influencer na si Darla Sauler. Sila’y tinilian at pinasalubungan ng masigabong palakpakan ng mga naroon, lalo na nang kumanta sina Carlo at Matt.
Nagkaroon muna ng meet and greet at program ang Beautederm ambassadors sa activity area ng Ali Mall bago nagtungo sa 2nd floor sa kiosk ng Beautefy by Beautederm para sa ribbon cutting at pormal na pagbubukas ng store.
Punong-puno ng tao ang pinagdausan ng event, mula basement hanggang 4th floor ng mall. Bahagi ng treat ang pagbibigay ng Beautederm babies ng sampler ng mga produkto nito, kaya talagang nag-enjoy ang lahat dahil nakapanood na sila ng libreng show ay nag-uwi pa sila ng beauty products.
Sa matagumpay na event ay sobrang happy ni Ms Rei Tan, presidente at CEO ng Beautederm at ng Ali Mall branch owner na si Ms. Maria de Jesus, na dating OFW sa Singapore bilang restaurant manager. After 10 years doon ay nagdesisyong bumalik sa Filipinas para tutukan na ang kanyang Beautederm business.
Nabanggit ni Ms. Rei na nagsimulang gamitin ni Ms. Maria ang BeauteDerm dahil marami siyang acne noon at nang malaki ang pagbabago sa loob ng isang buwan lang, agad niya itong inirekomenda sa mga kaibigan, hanggang naging word of mouth na nga ito sa Singapore at dumami na nang husto ang resellers niya.
Ipinahayag naman ni Ms. Sylvia ang kasiyahan sa patuloy na paglago ng BeauteDerm. “Masaya ako at natutuwa sa rami ng tao ngayong hapon, and proud ako sa patuloy na pagdami ng mga branch ng BeauteDerm,” saad niya na siya mismo ay mayroong Skin and Beyond Clinic by Beautederm sa Butuan City, kasosyo ang anak na si Ria Atayde at ilang kaibigan.
Ayon naman kay Carlo, “Ang sarap ng pakiramdam na bilang ambassador ay nagiging bahagi ka ng success ng Beautederm. Siyempre ‘yung makita mo na napapasaya mo ang mga tao, talagang nakaka-overwhelmed.”
ALAM MO NA!
ni Nonie Nicasio
