HATAW! D'yaryo ng Bayan hatawtabloid.com
READ: Carlo Aquino, proud nang unang nakita ang kanyang BeauteDerm billboard
AMINADO ang Kapuso actress na si Pauline Mendoza na sobra siyang thankful sa katatapos lang na teleserye nilang Kambal Karibal. Itinuturing niya kasi itong biggest break sa showbiz.
Pahayag ni Pauline, “Masasabi ko pong yes, it was really a big break for me. Kasi, mas nakilala na po ako ng mga tao dahil sa Kambal Karibal.”
Sinabi rin ng aktres na sobra siyang nag-enjoy sa naturang teleserye.
“Nag-enjoy po ako nang sobra sa serye namin. Noong cast party nga po namin, lahat kami nalungkot. And lalo na ako sobrang nalungkot talaga, kasi ang tagal po namin nagsama-sama.
“Sa totoo lang, hindi ko po talaga matanggap na tapos na kami. Kasi, kahit mga fans po ng Kambal Karibal, ayaw rin matapos iyong serye,” esplika pa ng dalaga.
Sa ngayon, sunod-sunod ang TV guestings ni Pauline. After niyang lumabas sa Imbestigador, mapapanood din si Pau sa Tunay Na buhay, Wish Ko Lang at Maynila.
Si Pauline ay nagsimula bilang commercial model nang siya ay three years old pa lamang. Unang project na nagawa niya sa GMA-7 ang Little Nanay na sinundan ng That’s My Amboy, My Love From The Star, at Alyas Robinhood-season 1. Tapos ay guestings sa Magpakailanman, Maynila, MARS, Wagas, Tadhana, at iba pang TV shows.
ALAM MO NA!
ni Nonie Nicasio
