HATAW! D'yaryo ng Bayan hatawtabloid.com
MAY bagong tropeong idaragdag na naman si Sam Milby sa lagayan niya dahil nitong weekend ay nakamit niya ang Fastest Lap Celebrity Class sa Vios Cup 2018.
Binigyan din ng dalawang special award ang aktor, Petron XCS Xcitement Award at Coolest Driver at nakatunggali niya sina Troy Montero, Fabio Ide at iba pa na hindi namin nakuha ang kompletong listahan.
Mahilig talagang mangarera itong si Samuel na rati ay sa motocross naman at nanalo rin, pero nag lie low noong magkaroon ng aksidente at kailangan niyang ihinto dahil at that time ay may ginagawa siyang teleserye.
At dahil hilig talaga ng aktor ang karera ay napunta na sa kotse at hindi naman siya nabigo at wala ring nangyaring masama sa kanya kaya nga itinanghal na coolest driver.
Mas masarap siguro ang pakiramdam ni Sam kung may inspirasyon siya habang nangangarera, kaso waley.
Mukhang deadma muna sa aktor ang girlfriend dahil trabaho muna siya habang wala pa ang tamang babae sa buhay niya.
Ang isa pang ikinasasaya ni Sam ay ang nalalapit na pag-ere ng Halik, Agosto 13, na bagong teleserye nila nina Jericho Rosales, Yen Santos, at Yam Concepcion mula sa RSB unit.
FACT SHEET
ni Reggee Bonoan
