HATAW! D'yaryo ng Bayan hatawtabloid.com
READ: Tampuhan, isinantabi para kay Bimby
NGAYONG gabi ang pa-block screening nina Direk Paul Soriano kasama ang misis na si Toni Gonzaga at hipag na si Alex para sa pelikulang I Love You, Hater, 7:00 p.m. sa SM Aura, Taguig City.
Bilang suporta ng mag-asawang Paul at Toni sa ninang Kris Aquino ang pa-BS nila sa pelikula. Malapit ang dalawa sa Queen of Online World and Social Media at maraming nagawang maganda rin kaya ito ang one -way para ipakita nila ang kanilang suporta.
Sa ganap na, 9:00 p.m. sa parehong sinehan ay ang Team Gilas Pilipinas kasama ang coach nilang si Chot Reyes naman ang may pa-block screening ng ILYH kaya naman sobrang nagpapasalamat si Kris sa mga nabanggit dahil hindi niya ito hiningi at kusang ibinigay sa kanya.
Pero bago ang lahat ay nalinawan na ang isyung magkagalit o magka-away sina Kris at Vice Ganda dahil inimbitahan ng huli na manood sila ng I Love You, Hater sa Trinoma Cinema 5 nitong Sabado ng gabi.
Sa pagkikita nina Vice at Kris ay walang nakitang bakas na nagkaroon ng tampuhan dahil ramdam mo ‘yung saya nila pareho dahil sinalubong ng una ang huli ng mahigpit na yakap kaya naman naluha-luha si Tetay.
Mas naunang yakapin ni Vice nang mahigpit si Bimby na sobrang na-miss niya.
FACT SHEET
ni Reggee Bonoan
