Joel Reyes Zobel, ayaw patulan si Jay Sonza

NGITI lang ang sagot ng very humble at A1 DZBB 594 anchor na si Joel Reyes Zobel sa patutsada sa kanya at sa ilan pang mga kapwa nito anchor ni Jay Sonza.

At kahit anong pilit nga namin itong magbigay ng saloobin patungkol sa bintang sa kanila ng formerKapuso host na nakasama noon ni Tita Mel Tiangco sa Mel and Jay ay wala ni katiting na salita mula sa mga labi ni Sir Joel.

Marahil ay sapat na nga ang naging pahayag nito sa kanyang social media account nang lumabas  ang mga negatibong patamang pahayag ni Jay.

Sinabi nito na nirerespeto niya kung ano man ang naging pahayag ni Jay dahil karapatan nitong sabihin ang kanyang saloobin.

At dahil nga sa naging pahayag na ito ni Sir Joel ay marami siyang napabilib na netizens na nagsasabi na mabait at marespeto ang A1 anchor ng DZBB.

MATABIL
ni John Fontanilla