Ruru, pinaiyak ang ama

HINDI naiwasang maiyak ng mabait at may magandang PR na daddy ni Ruru Madrid, si Tito Bong sa regalo sa kanya ng actor, mamahalin at magarang motor sa pagseselebra ng Father’s Day.

Eksaktong Father’s Day noong Linggo kinuha ni Ruru ang Kawasaki Vulcan Motorcycle sa Wheeltek Makati na siya na rin  ang nag-drive pauwi ng Marikina. At nang makita nga ito ni Daddy Bong ay naiyak sa sobrang kaligayahan.

Agad-agad naman nitong iniikot ang  ama para mag-experience agad ang motor. Kung happy nga si Daddy Bong ay sobrang happy din si Ruru dahil nakita nito ang sobrang kasiyahan sa mukha ng kanyang pinakamamahal na ama na lagi –lagi niyang kasama sa simula pa lang ng kanyang showbiz career hangang ngayon.

MATABIL
ni John Fontanilla