Joshua, one of the greatest actors in the Philippines

SAMANTALA, aliw na aliw kami sa mga reaksiyon ng Star Cinema executives sa mga kuwento ni Kris habang ginaganap ang Q and A ng I Love You, Hater na dinaluhan nina Direk Giselle Andres, Joshua, Julia , Mark Neumann, at Allora Sasam dahil kung ano-ano ang mga pinagsasasabi kaya naman panay ang hingi nito ng sorry.

Inamin naman niyang hindi siya na-brief bago sumalang sa presscon kaya marami siyang naikukuwento tulad ng tatlong oras lang pala ang tulog ng JoshLia habang isinu-shoot nila ang I Love You, Hater bagay na hindi pala puwedeng sabihin kaya panay ang sabing, “i-edit n’yo na lang please.”

Kaso sagot ng vloggers na kumokober ng presscon, “hindi po puwedeng i-edit, naka-live tayo at maging sa Star Cinema FB ay naka-live ang presscon.”

Napapakamot na lang ng ulo ang Star Cinema executives at wala naman silang magawa na dahil nasabi na.

Sabay puri ni Kris kay Joshua, “ang tagal ko na ‘di ba, ang dami ko ng nakatrabaho ko, pero si Joshua Garcia will be here (showbiz), 15-20 years from now, he will become one of the greatest actors in the Philippines ever,” palakpakan ang JoshLia supporters na nasa balcony section ng Dolphy Theater.

Dagdag pa, “but Julia has hunger and that is very important. Iba ‘yung gutom ka to prove yourself and she has that.”

FACT SHEET
ni Reggee Bonoan