Ella, sobrang nahirapan sa Cry No Fear

BIBIDA sina Ella Cruz at ang Social Media Sweetheart na si Donnalyn Bartolome sa suspense thriller movie na Cry No Fear ng Viva Films na mapapanood na sa June 20 sa mga sinehan.

Half sister ang role na kanilang ginagampanan pero sa istorya ay hindi sila magkasundo at punom-puno ng poot sa isa’t isa at naging worst ang kanilang relasyon nang umalis ang kanilang ama.

Ayon nga kay Ella, mas madaling mag-drama o magpatawa, ”Gumawa po ng naibang paraan si Direk Richard (Somes) para magampanan ito nang wasto. Nagkaroon din po kami ng workshop.

“Nagkasama na kami ni Donnalyn sa ‘Darkroom’ at lalo kaming naging close working together sa ‘Cry No Fear,’”  dagdag pa niya.

Kasa­ma rin sa suspense thriller sina Lander Vera Perez, Christo­pher Roxas, at Patricia Javier sa kani-kanilang pagbabalik-pelikula. Sila ang ruthless intruders sa buhay ng half sisters.

MATABIL
ni John Fontanilla