HATAW! D'yaryo ng Bayan hatawtabloid.com
ARESTADO ang dalawang lalaki makaraan isumbong ng guwardiya sa himpilan ng pulisya habang bumabatak ng hinihinalang shabu sa terminal ng jeep sa Makati City, kahapon ng umaga.
Kinilala ang mga suspek na sina Jofrey Siroy, 52, at Francis Gallos, 26, kapwa residente sa Batangas St., Brgy. Pio del Pilar sa nasabing lungsod.
Ayon sa ulat ng pulisya, nakatanggap sila ng tawag mula sa guwardiyang si Niño Mirarza, kaugnay sa pot session sa loob ng isang nakaparadang jeep sa terminal sa panulukan ng Arnaiz Avenue at P. Tramo St., sa Brgy. Pio del Pilar, dakong 7:30 ng umaga.
Agad tumugon ang mga pulis sa nasabing sumbong at nagkasa ng pagsalakay sa lugar na naging sanhi ng agarang pagkakaaresto kina Siroy at Gallos.
(JAJA GARCIA)
