Inting ng Comelec, Puyat ng Tourism lusot sa committee level ng CA

LUMUSOT sa maka­pangyarihang Commis­sion on Appointments (CA) committee level ang nominasyon nina Bernadette Fatima Ro­mulo-Puyat bilang ba­gong kalihim ng Depart­ment of Tourism, Socor­ro Balinghasay Inting bilang Commissioner ng Commission on Elections (Comelec).

Gayondin sina Nel­son Collantes para sa posi­s-yon ng brigadier general (reserve), Em­manuel Mahipus para sa posi­s-yong colonel, Philippne Air Force (reserve), Carlito Galvez para sa ranggong General, Rolan­do Rodil sa ranggong brigadier Generel, at Jose­lito Maclan sa ranggong brigadier General.

Ang mga nabanggit ay inaasahang kokom­pirmahin sa plenary session ng CA ngayong araw para pagtibayin ang kanilang pag-upo sa puwesto.

Samantala, bigong makalusot sa committee level ng komisyon si Department of Agrarian Reform (DAR) Secretary John Raulo Castriciones dahil sa mga opositor at ilang pagdudada ng ilang miyembro ng komisyon.

Dahil dito, idinaan sa caucus o executive session ang nominasyon ni Castriciones na dina­lohan ng mga miyembro ng komisyon.

Napag-alaman mula kay Senadora  Grace Poe, matapos ang debate ng mga miyembro ng komisyon ay napagpa­s-ya­han ng 13 miyemebro nito ang pag-aproba sa nominasyon ng kalihim.

Sinabi ni Poe, dala­wang miyembro lamang ang hindi bumoto sa kalihim ngunit hindi niya mabatid kung sino dahil sa secret voting idinaan ang botohan.

Makokompirma rin ng komisyon ngayong araw ang nominasyon ng kalihim ng DAR.

(NIÑO ACLAN/CYNTHIA MARTIN)