HATAW! D'yaryo ng Bayan hatawtabloid.com
KAHIT pagod sa biyahe dahil kararating lang galing Japan nitong Huwebes ng madaling araw ni Sylvia Sanchez, lilipad naman siya ng Hongkong ngayong araw, Mayo 19 na mismong kaarawan niya.
Prior commitment na ni Sylvia na pasinayaan ang Beautederm sa Hongkong para sa event na Bb. San Juan at Ginoong Makisig Hongkong 2018 kasama ang kapwa niya endorsers na sina Matt Evans at anak na si Arjo Atayde.
Kaya sa unang pagkakataon, wala sa bansa ang aktres para sa selebrasyon ng kaarawan niya at sumakto dahil sa Disneyland niya gustong mag-birthday.
Pahayag ng aktres, “47 years old na ako, gusto ko namang maramdamang maging bata ulit, ha, ha, ha. Sasakay ako sa rides sa Disneyland at doon na rin kami magdi-dinner.”
Biro namin kay Sylvia na jetsetter siya dahil 36 hours lang ang itinagal niya sa Pilipinas mula Japan na roon siya nagselebra ng Mother’s Day at bonding time sa asawang si Art Atayde kasama ang bunsong anak na si Xavi.
Bakit hindi kasama sina Ria at Gela sa Hongkong? “Si Ria may taping ng ‘Wansapanataym’ at si Gela may rehearsal ‘di ba lalaban ulit ‘yung school nila sa hiphop competition sa ibang bansa kaya hayun panay ang rehearsals.”
Dagdag pa ng aktres, “malalaki na sila, Reggee, may kanya-kanya na silang buhay. Kaya si Xavi habang bata pa, nilulubos ko nang makasama siya. Baka bukas o sa susunod na taon, busy na rin.”
Samantala, natutuwa si Sylvia dahil halos lahat ng makakita sa kanya ay iisa ang sinasabi, “fresh looking at hindi halatang 47 years old.” Sabi ng aktres, “eh, kasi Beautederm ‘yan.”
FACT SHEET
ni Reggee Bonoan
