HATAW! D'yaryo ng Bayan hatawtabloid.com
SA media launch ng pagbabalik ng Precious Hearts Romances Presents: Araw Gabi mula sa nobela ni Martha Cecilia kahapon ay natanong si JM De Guzman kung ano ang pakiramdam na sa ikatlong pagkakataon ay muli siyang binigyan ng tsansa ng ABS-CBN para maging bida ulit.
“Sobrang nagpapasalamat po at saka hindi na nga po ako nag-expect kaya nagulat ako noong alukin ako ng serye at pelikula.
“Pinayagan po kasi ako ng rehab na lumabas tapos dumalaw po ako rito tapos nabanggit nga itong show at movie, so pinag-isipan ko po, pero ang advise ng rehab ay isa lang muna ang gawin ko para hindi mapuwersa. Pinili ko po itong ‘Precious Hearts,’” kuwento ni JM.
At ang bilis nga dahil noong ialok sa kanya ang Araw Gabi ay taping na kaagad sila pagkatapos ng screen test.
Tinanong namin kung isa si JM sa nag-approve kay Barbie Imperial bilang leading lady niya, “natanong po ako at sabi ko gustong-gusto ko. Sino po ba naman ang tatanggi sa kanya (sabay tingin sa katabing dalaga).
Pero para kay Barbie ay masungit si JM at hindi siya pinapansin maski ilang beses na niyang kinakausap ang aktor.
“Kasi po in character po ako kaya sa set tina-try kong i-invibe sa sarili ko na rin,” paliwanag naman ng binata.
FACT SHEET
ni Reggee Bonoan
