Kaanak ng plane crash victims naghain ng kaso

SINAMPAHAN ng kaso ng kaanak ng mga namatay na biktima sa plane crash sa Plaridel, Bulacan, ang may-ari ng eroplano.

Sinabi ni Fe Pagaduan, ina ng pasahero ng eroplano na si Vera Pagaduan, mula noong Sabado ay hindi na nagpakita sa kanila ang may-ari ng eroplano.

Ikinuwento niya ang huling mensahe ng anak at sinabing tila may ipinahihiwatig.

Tiniyak ng Civil Aviation Authority of the Philippines (CAAP) na kanilang pananagutin ang Lite Air Express, habang siniguro ng abogado ng kompanya ang ipagkakaloob na tulong sa mga kaanak ng mga biktima.

Magugunitang 10 ang namatay sa insidente kabilang ang limang residente sa isang bahay na kinabagsakan ng nasabing eroplano.

(MICKA BAUTISTA)