HATAW! D'yaryo ng Bayan hatawtabloid.com
POSITIVE ang naging comment ng mga nanood sa premiere night ng My Perfect You nina Gerald Anderson at Pia Wurtzbach. Sabi nga ng mga movie critic, super ganda ang romantic movie na idinirehe ni Cathy Garcia-Molina.
Maituturing na isang groundbreaking na pelikula dahil first big-screen collaboration nina Gerald, Pia, at Direk Cathy. Nakagugulat ang acting na ipinakita nina Gerald at Pia.
When do you know you found your perfect you? “Hindi naman love at first sight… You find your perfect you. Of course, I find my perfect you na tinanggap ako. May pagdaraanan kayong obstacle, challenges, tapos unti-unti mo mari-realize kaya pala masaya, kung minsan malungkot kasi siya pala ‘yung para sa akin. It’s not necessarily perfect in everybody’s eyes but perfect for you,” sagot ni Pia.
“Walang perfect, I’m trying to be good. Alam mo na, mararamdaman mo ‘yun agad na she’s the one. For me, life is perfect kapag nabibigyan o nabibili mo ng sapatos ang mother mo,” sambit naman ni Gerald.
Challenging ang role na ipino-portray ni Pia bilang Abi, lively owner ng hostel, ang Happy Sunshine Camp.
“Ibang klase ang character ko rito. Thankful ako kay Direk Cathy kahit mainit sa location. Sa gabi lang malamig mataas pa rin ang energy namin. Maganda ‘yung location kahit walang signal, feeling ko roon na ako nakatira. Palagi akong nasa ilog, first time akong nakakita ng ganoon kagandang nature, swimming, nagmo- mobile ako. ‘Pag nandoon na sa location, gentleman lahat ng lalaki lalo na kapag tumatawid kami sa ilog,” say ng beauty queen/actress.
Puring- puri ni Gerald si Pia dahil sa kabaitan nito at magaling makisama sa buong production staff. Walang kamay-malay ang Queen Pia na pinagmamasdan ng actor ang kilos at galaw niya. Nang makilala na nila ang isa’t isa at saka nito na realize na walang ere sa katawan ang dating Ms. Universe.
“’Yung location, hindi pang Ms. Universe. Siya ‘yung kalog, napaka-down-to-earth, comfortable akong katrabaho siya. Gabi-gabi magkasama kaming nagdi-dinner, nagkukuwentuhan, masaya kami sa set. Magkatabi ang cottage namin,” kuwento pa ni Gerald.
ANIK-ANIK
ni Eddie Littlefield
