Yassi, on time lagi sa shooting kahit puyat

PURING-PURI ni Direk Ivan Andrew Payawal sina Yassi Pressman at Sam Milby na bida sa kanyang pelikulang Ang Pambansang Third Wheel na palabas na ngayon sa mga sinehan handog ng Viva Films.

Ani Direk Ivan, very professional at walang kaarte-arte  ang dalawa. Hindi rin ipinaramdam sa kanya na baguhan lang siyang director bagkus ay sinuportahan siya mula sa simula hangang sa last shooting day.

Ayon kay Direk Ivan, ”The best thing about Yassi is her drive. She’s so hardworking. Kahit puyat at pagod ‘yan galing sa taping ng ‘Ang Probinsyano’, she comes on time. She comes prepared.

“Never ‘yan nagreklamo. Never ko ‘yan narinig na magsabi na pagod na siya. Ibinibigay niya more than 100% kaya gaganahan ka ring magtrabaho. Her corny jokes are the best! Ako lang yata tumatawa sa jokes niya.

“Si Sam naman, he is one of the most kind-hearted people I know. He comes in on set always with a smile. He makes sure na busog ang mga tao sa set dahil lagi ‘yan nagpapakain. And when it comes to work, he’s very focused. Makikita mo na mahal niya ang trabaho niya kaya siya tumatagal sa industriya.

“There was one time, sumakit ang sikmura niya sa set dahil acidic pala siya. We were telling him na isusugod na namin siya sa ospital. Kasi hirap na siyang tumayo sa sobrang sakit. But he didn’t want to leave, he wanted to finish his sequences kasi nahihiya siya sa mga tao. Kaya mahal na mahal namin sina Yassi at Sam,” papuri ni direk Ivan sa dalawa.

Bukod kina Sam at Yassi, kasama rin sa cast sina Al Tantay, Sam Pinto, Candy Pangilinan, Francine Prieto, Kim Molina, Cholo Barretto, Bob Jbeili, at Alonzo Muhlach.

MATABIL
ni John Fontanilla