Offer na pamunuan ang Star Magic, ‘di tinanggap ni Erickson Raymundo

SAMANTALA, nabalita noon na hindi na lang namin binigyan ng pansin na kinukuha ng ABS-CBN management si Erickson para mamuno ng Star Magic dahil nagretiro na si Mr. Johnny Manahan pero consultant naman siya ngayon.

Kaya may nagtanong kay Erickson sa mediacon nitong Lunes, “I declined the offer,” matipid nitong sagot.

Kaya pagkatapos ng mediacon ay tinanong namin ang dahilan kung bakit hindi niya tinanggap.

“Ipinaliwanag ko sa management na hindi ko maiiwan ang Cornerstone family. Hiningi ko rin ang opinion ng bawat artists ko, hindi lang naman ako ang dapat mag-decide rito. And we come out with the decision na baka hindi ko sila matutukan na, at saka hindi puwedeng dalawa ang tutukan ko. Definitely, mawawala ang Cornerstone kung mag-Star Magic ako,” paliwanag sa amin ni Erickson.

As of this writing ay nasa 80 artists na lahat ang mina-manage ng Cornerstone Management na nagsimula lang kay Sam noong 2005.

FACT SHEET
ni Reggee Bonoan