HATAW! D'yaryo ng Bayan hatawtabloid.com
NAGBIGTI sa tuwalya ang isang Japanese national sa loob ng comfort room ng detention building ng Bureau of Immigration (BI) sa Camp Bagong Diwa, Taguig City, iniulat ng Southern Police District (SPD) kahapon.
Kinilala ng pulisya ang biktimang si Kageyasu Mizusawa, 57, huling nanirahan sa Timpolok, Purok Thunder, Lapu-lapu, Cebu City.
Base sa report na natanggap ng Southern Police District (SPD), natagpuan ang bangkay ng biktima ng roomate niyang si Mohammad Hossain, 41, Bangladesh national, dakong 5:30 ng madaling-araw.
Sinabi ni Hossain sa pulisya, matapos siyang mag-ahit ng balbas pumasok siya sa comfort room sa loob ng detention building ng BI sa Camp Bagong Diwa, Bicutan, Taguig City ngunit tumambad sa kanya ang bangkay ng biktima habang nakatali sa tuwalya at nakabigti sa tubo ng shower.
Masusing sinisiyasat ng mga awtoridad ang insidente.
ni JAJA GARCIA
