Nadine at Direk Tonette, pinag-aaway

FAKE News ang balitang in-unfriend ni Nadine Lustre ang director na si Antoinette Jadaone, director ng kanilang pelikula ni James Reid na Never Not Love You.

Tsika ng aming reliable source, “Fake News ‘’yang kumakalat na balita na in-unfriend ni Nadine si Direk Antoinette sa Instagram. 

“Paano naman ia-unfriend ni Nadine si Direk eh hindi naman pina-follow ni Nadine si Direk.

“May mga tao talaga na gagawa at gagawa ng isyu para lang may mga taong mag-away,

“Okey na okey pa naman sina Nadine at Direk Antoinette, pero may mga tao talaga na gusto silang pag-awayin.”

Nagulat nga si Nadine nang makaabot sa kanya ang nasabing balita na halatang gawa-gawa lang at wala namang basehan.

MATABIL
ni John Fontanilla