HATAW! D'yaryo ng Bayan hatawtabloid.com
PATAY ang dalawang hinihinalang drug pusher makaraan makipagbarilan sa mga operatiba ng Quezon City Police District (QCPD) Batasan Police Station 6 sa isinagawang buy-bust operation sa nasabing lungsod, kahapon ng madaling-araw. Sa ulat kay QCPD director, Chief Supt. Guillermo Lorenzo T. Eleazar, kinilala ang mga napatay na sina alyas Abis, at alyas Jom-Jom. Ayon kay Supt. Rossel Cejas, hepe ng QCPD-PS 6, dakong 3:30 am nang mangyari ang insidente sa panulukan ng Bulacan St. at Payatas Road, Brgy. Payatas.
Nauna rito, dakong 3:10 am, ikinasa ang buy-bust operation laban sa mga suspek ngunit sila ay nakatakas.
Dakong 3:30 am, naispatan ang mga suspek sa Manahan Subdivision, Group 5, Brgy. Payatas na humantong sa palitan ng putok at nagresulta sa kanilang pagkamatay. Nakuha mula sa mga suspek ang siyam sachet ng shabu, tinatayang P90,000 ang street value. (ALMAR DANGUILAN)
