Nadine Lustre, certified director na

TUWANG-TUWA ang mga supporter nina Nadine Lustre at James Reid nang mabalitaang si Nadine ay isa sa dalawang direktor ng latest music video ng Viva heartthrob na may pamagat na #Life.

Kakatuwang ni Nadine sa pagdidirehe ang award-winning director na si Pettersen Vargas at ginawa ito ni Nadine bilang suporta sa kanyang pinakamamahal na boyfriend na labis na ikinatuwa naman ng binata.

Happy nga si James para sa kanyang GF dahil parang therapy na rin nito ang subukan ang iba’t ibang fields ng production matapos dumaan sa matinding trahedya.

RURU MADRID, UMIYAK
NG MANALONG BEST DRAMA
ACTOR SA STAR AWARDS
FOR TELEVISION

NAGING Emosyonal ang Kapuso star na si Ruru Madrid nang magwaging Best Drama Actor para sa mahusay na pagganap sa Encantadia. Ka-tie niya sa kategoryang ito ang isa pang Kapuso actor na si Dingdong Dantes para sa Alyas Robinhood sa katatapos na Star Awards For Television 2017.

Hindi naiwasang maiyak ni Ruru sa kanyang kauna-unahang Best Actor trophy dahil habang ginagawa ang Encantadia ay namatay ang kanyang pinakamamahal na Lola na siyang may gustong mag-artista siya.

Bukod sa pagyao ng kanyang lola, inulan si Ruru ng batikos mula sa mga netizen nang mapiling gumanap bilang Ybarro na unang ginampanan ni Dingdong.

MATABIL
John Fontanilla