HATAW! D'yaryo ng Bayan hatawtabloid.com
FOR sure, mapupuno ang super-cute and cozy concert venue na Teatrino located at Promenade, Greenhills this coming November 8, 9:00 p.m. dahil ang balladeer na tinaguriang Hugot King na si Kiel Alo ay magkakaroon ng birthday concert entitled When We Were Young.
First time na magsi-celebrate si Kiel ng kanyang birthday via a musical show na makakasama pa naman niya ang ilan sa mga friend niyang malalaking pangalan sa music industry like Michael Pangilinan, Garie Concepcion, Dessa, Ezekiel Hontiveros and Boobsie Wonderland, under the musical direction of Ivan Lee Espinosa.
“Sobrang excited na akong kinakabahan. First time ko kasing mag-major show kaya halos hindi ako makatulog sa nerbiyos and excitement. Yes, I’ve been rehearsing my numbers these past days para ‘di ako mapahiya sa mga kaibigan nating manonood.
“Mismong birthday ko talaga ang November 8 kaya talagang double celebration ito. Salamat sa manager kong (Jobert Sucaldito) nagtitiyaga sa akin. Matagal ko nang pangarap na mag-major show and heto na—I will have a first taste of it. Nakailang shows na rin ako in the past pero iba pala ‘pag sa medyo malakihang venue na, ‘no? Kung sabagay, ang Teatrino naman ay cute, hindi gaanong malaki pero nasa high end siya as a concert venue. Kaya nakatutuwa at pinagkatiwalaan ako ng ganitong opportunity. Sana suportahan ninyo ako,” ani Kiel Alo.
Kung matinik ang tenga ninyo, si Kiel Alo ang boses na naririnig sa jingle ng Showbuzz show nina Jobert Sucaldito and Ahwel Paz sa DZMM tuwing 10:30-11:00 p.m. on weekdays. Siya rin ‘yung napakahilig mag-post ng kung anik-anik na hugot lines sa social media kaya tinagurian itong Hugot King.
“Mahilig lang talaga akong mag-play ng mga hugot word. Ganyan kaming magbabarkada kasi, kalokohan lang pero may gustong iparating na mensahe. In real life ay may pagkaganoon nga ako, very passionate and emotional. Minsan naman idinadaan ko sa kantahan. Mas nai-express kong mabuti ang emotion ko thru songs and posts. Ha! Ha! Ha!” kuwento ni Kiel.
“Masaya ang show na ito kasi napakagaling ng musical director naming si Kuya Ivan (Lee Espinosa). Genius ang taong iyan sa keyboard kaya sobrang bilib kami sa kanya. Plus ang huhusay pa ng mga guest namin sa show kaya there’s no reason para ‘di maganda ang kalalabasan nito. Huwag lang magtakbuhan ang mga daga sa dibdib ko and everything will be alright,” he wishes.
When We Were Young concert is presented to us by Isabela Gov. Bojie Dy, Aficionado Germany Perfume, Quadro Frames and Xentro Malls. Major sponsors include Mr. Neal Gonzales, Mr. Joel Cruz, Mr. Alex Cruz, Mr. Boy Abunda, Biliran (Leyte) Mayor Lorenz Reveldez, Mr. Zaldy Aquino, Ms. Laarni Enriquez and Guiguinto (Bulacan) Mayor & Mrs. Boy and Precy Cruz.
