HATAW! D'yaryo ng Bayan hatawtabloid.com
PAGKATAPOS ng super blockbuster na Kita Kita nina Empoy Marquez at Alessandra de Rossi ay heto at may bagong pelikula na naman ang komedyante, ang The Barker kasama si Shy Carlos.
At dahil kumita ng P300-M ang Kita Kita kaya aminado ang binata na pressured ito sa parte nilang Team Barker, pero sana ay hindi ikompara.
Ang The Barker ay first directorial job ni Dennis Padilla mula sa Blank Pages Productions at distributed naman ng Viva Films na siya ring nag-distribute ng Kita Kita.
Kuwento ng handler ni Empoy na si Tin Calawod, naunang i-shoot ang The Barker kaysa Kita Kita kaya lang nahinto ito dahil hindi mag-swak sa schedules ng cast.
Oo nga pati kasi ang direktor na si Dennis ay abala rin sa tapings ng seryeng La Luna Sangre na naging tatay-tatayan ni Kathryn Bernardo bilang Miyo.
Ang saya-saya sa set ng The Barker dahil parang naglalaro lang ang lahat kasi naman parehong komedyante sina Empoy at Dennis kaya swak sila.
“Kahit na this is my first time na magdirehe, I never encountered any difficulties naman. Napakagaan na katrabaho ni Empoy. Para nga kaming naglalaro lang sa set. You will see it sa entire movie, ‘yung good vibes, ‘yung fun, everything!” saad ni Dennis.
Narito ang unang eksena nina Sylvia Sanchez at Dennis Padilla sa La Luna Sangre na hindi ninyo dapat palampasin! https://t.co/iJoMFlM4ig pic.twitter.com/wF6r6pXog2
— ABS-CBN Corporation (@ABSCBN) July 16, 2017
Samantala, may cameo role si Sylvia Sanchez sa The Barker at tinanong namin kung anong klaseng direktor si Dennis, “alam niya ang ginagawa niya, focus siya,” saad ng aktres.
Kasama rin sina Jeric Raval, Wilma Doesnt, Ronnie Lazaro, Janice Jurado, at Nonie Buencamino sa The Barker na mapapanood sa Oktubre 25 nationwide.
FACT SHEET
ni Reggee Bonoan
