Monday , July 28 2025

James nagpasiklab sa MOA

SA hinaba-haba ng prusisyon, sa Maynila rin ang tuloy.

Naunsyamin man noong nakaraang tao, tinupad ni NBA Superstar LeBron James ang kanyang pangakong pagbabalik sa Maynila nang magpasiklab kamakalawa sa kanyang Strive For Greatness Show Tour sa Mall of Asia (MOA) Arena, Pasay City.

Pinangunahan ni James ang 92-71 panalo ng kanyang koponan na Gilas Youngbloods kontra sa Gilas OGs sa 30-minutong eksibisyon.

Nagsilbi munang manonood si James sa unang 25 minutong laro sa pagitan ng dalawang henerasyon ng Gilas.

Binubuo ng mga kabataang sina Kiefer Ravena, Rayray Parks Jr., Kai Sotto, Almond Vostros, Baser Amer, Mike Tolomia, Roger Pogoy, Raymae Jose at Raymond Almazan ang Youngbloods habang ang mga beteranong sina LA Tenorio, Paul Lee, Ranidel De Ocampo, Japeth Aguilar, Jeff Chan, Gary David, Jared Dillinger, Jayson Castro at ang nagbabalik na Kapitan na si Jimmy Alapag.

Hindi nakapagtiis, naglaro si James sa huling 5 minuto at nagpasiklab sa mga tres, malulupit na pasa at umaatikabong slam dunk na kitampukan ng buzzer-beater na windmill jam.

“I said two years ago I’ll be coming back but some unfortunate things happened. But now, I am back,” ani James sa pagtatapos ng Manila leg ng kanyang Nike tour.

Bago ang eksibisyon, nagdaos ng private training session si James kasama ang Gilas cadets sa Taguig.

Ang 3-time NBA champion at 4-time NBA MVP ay pupunta sana sa Maynila noong nakaraang taon ngunit hindi natuloy dahil sa sinasabing logistical challenges.

Ito na ang ikatlong pagbisita ni James sa bansa buhat noong 2013 at 2015.

ni John Bryan Ulanday

Krystall Herbal Products and FGO Branches

About John Bryan Ulanday

Check Also

Karl Eldrew Yulo Cynthia Carrion

Karl Eldrew Yulo, Positibong Tatapatan ang Presyon sa World Juniors sa Maynila

BAGAMAT aminado sa presyon ng pagiging host country, nananatiling positibo si Karl Eldrew Yulo na …

LRTA FIVB Mens World Championship

LRTA, mas pinalakas ang kampanya para sa FIVB Men’s World Championship

LUBOS na ang pagpapaigting ng kampanya para sa pagho-host ng Pilipinas ng 2025 FIVB Volleyball …

PH Blu Girls WBSC Womens Softball Asia Cup 2025

PH Blu Girls tinambakan SoKor sa China  
7-0 sa WBSC Women’s Softball Asia Cup

NAGPAKITA ng mahusay na laro ang Philippine Blu Girls sa WBSC Women’s Softball Asia Cup …

Eric Singson Tats Suzara ANV PNVF

Candon, PNVF, pinapahalagahan ang ‘volleyball tourism’

DAHIL sa tagumpay ng kasalukuyang 2025 Southeast Asian Volleyball League, hindi na nag-aksaya ng oras …

PSC PSTC

IRR para sa Philippine Sports Training Center Act, inaprubahan ng Lupon ng PSC

INAPRUBAHAN ng Philippine Sports Commission (PSC) ang Implementing Rules and Regulations (IRR) ng Philippine Sports …

Leave a Reply

Your email address will not be published. Required fields are marked *