HATAW! D'yaryo ng Bayan hatawtabloid.com
ARESTADO ang mag-live-in partner at anim iba pa sa isinagawang anti-drug operations ng pulisya sa dalawang bayan, sa lalawigan ng Bulacan, kamakalawa.
Unang inaresto ng Sta. Maria PNP sa pamumuno ni Supt. Raniel Valones, ang mag-live-in partner na sina Christopher Dave Colango at Janell Roldan, kapwa residente sa Brgy. San Vicente, Sta. Maria, Bulacan.
Nakompiska sa kanila ang tinatayang P2.5 milyon halaga ng shabu, isang cal. 22 revolver, mga bala, P1,000 marked money, at drug paraphernalia.
Kasunod na inaresto sa bayan ng Bocaue sina Narciso Aurelio at Dionisio Masendo, kapwa ng Brgy. Caingin; Rowena Ajeto, Zandelle Laxamana, Jobelle Flores, at Tony Salvador, mga residente sa Brgy. Loma de Gato, sa bayan ng Marilao.
Habang pinaghahanap ang nakatakas na si Renato Aleto.
Ayon kay Supt. Jowen dela Cruz, hepe ng Bocaue PNP, nakompiska sa mga suspek ang 27 sachet ng shabu, 600 marked money at drug parahernalia.
(MICKA BAUTISTA)
