HATAW! D'yaryo ng Bayan hatawtabloid.com
PUMIRMA ng apat na taong supermax extension contract si John Wall para manatili sa Washington Wizards.
Tinintahan na ni Wall ang $170M kamakalawa para sa kontratang magsisimula sa 2019 ayon kay Adrian Wojnarowski ng ESPN.
Dahil sa pananatili sa Wizards, buo pa rin ang Big 3 na sina Wall, Otto Porter at Bradley Beal na pumang-apat sa Eastern Conference noong nakaraang taon sa kartadang 49-33.
Kakapirma lang din ni Porter ng US$106M para sa apat ding taon sa Wizards habang US$128M naman kay Beal para sa limang taon na pinirmahan naman niya noong 2016.
Dinala ni Wall hanggang Game 7 ng East semis ang Wizards sa kabila ng inirehistrong 27.2 puntos at 10.3 assists at napili din sa All-NBA Third Team para maging karapat-dapat sa supermax deal.
Siya ang ikatlong nakakuha ng supermax deal sa likod ng US$201M ni Stephen Curry ng Golden State at US$228M ni James Harden ng Houston ngayong 2017-2018 NBA offseason. (JBU)
